Kush Jemi Ne

EKIPI

Ahmet Kasumi

PARTNER SENIOR

Z. Kasumi është avokat i licencuar nga Oda e Avokatëve të Kosovës (OAK) me përvojë të gjatë në fushën e sundimit të ligjit në përgjithësi dhe atë të sektorit të drejtësisë në veçanti. Para se të pranohej në OAK, z. Kasumi ka shërbyer si jurist në një numër të organizatave publike dhe kompanive private. Z. Kasumi ka mbi 15 vite përvojë në çështjet tregtare dhe korporative. Z. Kasumi ka krijuar dhe udhëhequr për katër vite gjykatën e përhershme të arbitrazhit komercial pranë Odës Ekonomike të Kosovës, si institucion i vetëm i themeluar me ligj për zgjidhjen e kontesteve në mënyrë alternative. Z. Kasumi mban master në të drejtën Evropiane nga Universiteti i Leuvenit (Belgjikë). Z. Kasumi flet rrjedhshëm gjuhën Angleze dhe Sërbe-Kroate

Robert Muharremi

PARTNER I ASOCIUAR

Z. Muharremi ka mbaruar studimet juridike dhe doktoraturën në Universitetin e Saarlandit në Gjermani. Ai gjithashtu ka Master në Shkencat Politike Publike dhe Menaxhim në Universitetin e Londrës. Roberti ka dhënë këshilla ligjore dhe politike për disa institucione qeveritare në Kosovë, përfshirë Zyrën e Kryeministrit, Kuvendin e Kosovës, Ministrinë e Zhvillimit Ekonomik, Ministrinë e Financave, Ministrinë e Tregtisë dhe Industrisë dhe Ministrinë e Shëndetësisë. Ai ka punuar gjithashtu si konsulent për organizata të ndryshme të huaja dhe ndërkombëtare, të tilla si USAID, BE, KB, GIZ, DFID, UNDP. Gjatë karrierës së tij, Roberti ka marrë pjesë në hartimin e legjislacionit në fusha të ndryshme përfshirë partneritetet publiko-private, pronësinë, minierat, arbitrazhin dhe investimet e huaja. Ai gjithashtu ka ndihmuar në krijimin dhe funksionimin e institucioneve të ndryshme të Kosovës, të tilla si Sekretariati i Kuvendit të Kosovës, Këshilli i Sigurisë së Kosovës dhe Gjykata Kushtetuese e Kosovës. Ai ka botuar në revista të ndryshme akademike me tema të politikave juridike dhe publike. Ai është anëtar i

Shoqatës së Drejtësisë Ndërkombëtare dhe bashkëpunëtor i Institutit të Arbitërve të Akorduar në Londër.

Anjeze Gojani

PARTNER I ASOCIUAR

Anjeze Gojani ka më shumë se një dekadë përvojë profesionale në sektorin e drejtësisë me fokus në të drejtën civile dhe komerciale. Ajo është eksperte në fushën e Zgjidhjes Alternative të Kontesteve dhe është autore e shumë shkrimeve të kësaj fushe. Ajo ka mbajtur pozita kyçe në krijimin, ndërtimin dhe promovimin e shërbimeve të ZAK në Kosovë. Znj. Gojani ka këshilluar Ministrinë e Drejtësisë dhe ishte përgjegjëse për udhëheqjen e grupeve punuese dhe ekipeve të ekspertëve për të hartuar dispozita kyçe të Projekt Kodit Civil. Viteve të fundit Anjeza ka këshilluar Ministrinë e Shëndetësisë në rishikimin e kornizës ligjore dhe rregullative, si dhe dokumenteve të tjera strategjike të cilat mbështesin sektorin e shëndetësisë. Ajo kishte pozicion kyç gjatë hartimit të udhëzimit të parë administrativ për rregullimin e çmimit të barnave, një udhëzim administrativ i shumëpritur por edhe i shumë debatuar në sektorin shëndetësorë. Anjeza është bursiste e Weinstein JAMS Foundation Foundation. Në vitin 2018 ajo ka punuar në një hulumtim Universitetin Columbia/Qendra për Investime të Qëndrueshme (Columbia Center on Sustainable Investment), në të drejtën e investimeve dhe arbitrazhin.

Medine Millaku

Bashkëpunëtore Ligjore

Medina Millaku është juriste e diplomuar e Fakultetit Juridik të Universitetit të Prishtinës. Medina ka qenë çdo vit bursiste e Universitetit të Prishtinës për suksesin e treguar gjatë viteve akademike. Ajo ka një angazhim profesional në fushën juridike gjatë viteve të studimeve.
Para se të jetë pjesë e këtij ekipi ajo ka qenë asistente e zyrës së Prokurorit Disiplinor në Odën e Avokatëve të Kosovës dhe njëkohësisht ka qenë e angazhuar nga organizata NCSC- “Kërkesë për drejtësi” në disa projekte të lidhura me OAK. Znj.Millaku ka punuar si mentore dhe trajnere në projekte dhe aktivitete të organizuara ose të mbështetura nga organizata të ndryshme ndërkombëtare dhe vendore, të tilla si OSCE, USAID, KOPF etj. Së fundi ajo ka përfaqësuar Kosovën në Sesionin e 66-të të HNMUN Konferencës së Universitetit të Harvardit të mbajtur në Boston të Shteteve të Bashkuara të Amerikës.

ZGJIDHJE E ORIENTUAR NË MENDIM JURIDIK

Ne jemi të përkushtuar të ofrojmë shërbimet ligjore më të mira në cilësi, të personalizuara dhe ndërtojmë të gjitha marrëdhëniet me klientin tonë mbi bazën e besimit. Sigurohuni që çdo gjë që na tregoni është konfidenciale. Një marrëdhënie transparente na ndihmon t’ju ofrojmë shërbimin më të mirë dhe përfaqësim ligjor. Ne përpiqemi ta trajtojmë çështjen tuaj në kohë, në mënyrë profesionale dhe sa më kosto efektive të jetë e mundur. Sa i përket politikës sonë të komunikimit, ne gjithmonë do t’ju mbajmë të informuar dhe të azhurnuar.
Ne jemi krenarë për marrëdhëniet tona me klientët tanë dhe përkushtimin tonë për të shkuar sipër dhe përtej çdo personi juridik dhe individi që përfaqësojmë në Kosovë. Kur të keni nevojë për përfaqësim ligjor të fortë dhe efektiv që do të trajtojë çështjen tuaj me respekt dhe përparësinë që i nevojitet, zgjidhni Kasumi & Partners. Le të qëndrojmë për të drejtat tuaja dhe të sigurohemi që interesat tuaja të promovohen që nga fillimi deri në fund, pa marrë parasysh sa sfiduese mund të duket.

PËRKUSHTIMI YNË PËR TË NDIHMUAR KLIENTËT TANË

Kasumi & Partners ka përfaqësuar klient me probleme unike dhe komplekse që kanë kërkuar përfaqësim të përkushtuar për të mbrojtur interesat e tyre ligjore.

Ne e kuptojmë shumë mire rëndësinë e punësimit të një avokati. Ne përpiqemi ta bëjmë çdo klient plotësisht të vetëdijshëm për opsionet e tyre, të kuptojë qëllimet e tyre, të jap këshilla realiste dhe të sinqerta dhe të punojë me zell për të siguruar rezultate pozitive.

Qëllimi ynë është të ofrojmë shërbime juridike me cilësi më të lartë në një mënyrë shumë personale me qasje unike dhe personale që rrallë shihet në mjediset e një zyre ligjore.

Ne jemi në gjendje t’u japim klientëve tanë shërbimin personal one-on-one me përparësi dhe vëmendje që ata meritojnë.